Sunday, December 19, 2010

ఫెనికి కవి కీట్స్ వ్రాసిన లేఖ


నేను నీకు ఒక లెటర్‌ వ్రాసాను. నువ్వు నీ తల్లిని కలుసుకున్నావని భావిస్తున్నాను. ఇప్పుడు ఈ లెటర్‌ నీకు పంపడం అనేది నా యొక్క స్వార్ధం అవుతుంది. ఎందుకంటే ఇది నిన్ను కష్టపెడుతుంది అని నాకు తెలుసు. నీ ప్రేమ నన్ను ఎంతో బాధకి గురిచేసింది. నిన్ను నా ప్రేమవైపు ఆకర్షించడానికి ఎంతో ప్రయత్నం చేస్తున్నాను, చేసాను. నీ హృదయంలో నాకు పూర్తి ప్రేమను ఇవ్వు.

ఈ ఒక్క మాట మీదే నా జీవితం ఆధారపడి ఉంది. ఇందులో ఏ మాత్రం మార్పు వచ్చినా నా హృదయం విరిగిపోతుంది. నాకు నీ మీద చాలా ఆశ ఉన్నది. నా గురించితప్ప వేరే ఏ వస్తువు గురించి నీవు ఆలోచించవద్దు. నేను ఈ లోకంలో ఉన్నా, లేకపోయినా నన్ను మరచిపోవద్దు. అయినా నన్ను మరచిపోయావా అని అడగడానికి నాకు ఏమి అధికారం ఉన్నది.

బహుశ నువ్వు నన్ను రోజంతా గుర్తు తెచ్చుకుంటావేమో. నీ సంతోషం వదులుకోమని చెప్పడానికి నాకు ఏమి అధికారం ఉన్నది. కాని నన్ను క్షమించు. నేను ఈ విధంగానే అడుగుతాను. నీకు ఒక విషయం తెలుసా, నా మనసులో ఎంత తీవ్రమయిన కోరిక ఉన్నదో. అదేమిటంటే నేను ఏ విధంగా అయితే నిన్ను ప్రేమిస్తున్నానో నువ్వు నన్ను అదే విధంగా ప్రేమించానని, నువ్వు నన్నే ప్రేమిస్తున్నానని వేరే ఎవరిని ప్రేమించడం లేదని నువ్వ నాకు వ్రాసినట్లు నాకు అనిపిస్తుంది.
నిన్న మరియు ఈ రోజు ఉదయం కూడ నీ తియ్యని రూపం నా కళ్ళలో నిండి ఉంది. చాలా సమయం నేను నిన్ను కట్టెలు కొట్టుకునే అమ్మాయి రూపంలోనే చూసాను. నా యొక్క ఇంద్రియాలకి ఎంత కష్టమో ఇది అనుభవంలోకి రావడానికి. నా హృదయానికి నీ యొక్క ఈ రూపం ఎంత చక్కగా కనిపించిందో నా కళ్ళ నుండి కన్నీళ్లు జలజలా కారాయి. నిజమయిన ప్రేమ హృదయాన్ని విశాలం చేసి దాని నిండా నిండి వుంటుందని నేను భావిస్తున్నాను.

నువ్వు ఒంటరిగా పట్టణం వెళ్లుతున్నావని విని బాధకలిగింది. కాని ఈ విధంగా అవుతుందని మొదట నుండి భయం ఉంది. నా పరిస్థితి కుదుట పడే వరకు ఈ విధంగా చెయ్యనని నాకు మాట ఇవ్వు. నాకు ఈ విధంగా మాట ఇచ్చి, ఈ నీ ఉత్తరంను తియ్యని భాషతో నింపి నాకు పంపు. ఈ పని నువ్వు మనసుపెట్టి చెయ్యకపోతే, నా ప్రియా, నాకు వివరంగా అంతా చెప్పు.

నీ హృదయాన్ని నా ముందు తెరచివుంచు. ఒక వేళ నీ హృదయం సంసారపరమయిన సుఖాలవైపు ఉంటే ఈ నిజాన్ని నా ముందు ఉంచు. నువ్వు నాకు చాలా దూరంలో ఉన్నావని నేను అనుకుంటున్నాను. నేను నిన్ను నాలో పూర్తిగా కలుపుకోవాలి అని అనుకోవడం కష్టం కాదని భావిస్తున్నాను. నీకు ఇష్టమయిన నీ పెంపుడు పక్షి పంజరంలోని తప్పించుకుని ఎగిరిపోయినప్పుడు, అది కనిపించే వరకు నీ మనస్సు ఎలా బాధపడుతుందో అలాగే నేను కూడా.. అలాగే నన్ను కూడా భావించు.
సరే ఏదైనా కానీ, నీకు
నేను తప్పించి వేరేం కావాలో చెప్పు.. నిన్ను కొంచెమైనా సంతోషంగా ఉంచడానికి నేను ప్రయత్నిస్తాను. నిన్ను నీ యవ్వనాన్ని అనుభవించవద్దని నేను చెప్పడం అనేది నా స్వార్ధమే కాక చాలా క్రూరం. ఒక వేళ నువ్వు నన్ను ప్రేమిస్తే నువ్వు ఈ విధంగానే అనవలసి ఉంటుంది.


నా ఆత్మ వేరే ఏ విధమయిన మాట వైపు సంతృప్తి అవడం లేదు. ఒక వేళ నువ్వు ఫాంటీస్‌లో ఆనందం పొందాలి అనుకుంటే నీ సంతోషంను పంచుకో, ఎవరి ఎదురుగానైనా నువ్వుకో, వారు ఎవరైనా నిన్ను ప్రశంసిస్తే వాటిని అందుకో. నీ యొక్క ప్రేమను పొందడమే నా జీవితం. నా ప్రేయసీ నన్ను నీ ప్రేమకు విశ్వాసంగా తీసుకో. ఒక వేళ ఏదో ఒక విధంగా ఇది నువ్వు నమ్మకపోతే నేను ఆ బాధతోనే చనిపోతాను. ఒక వేళ మన ఇద్దరి మధ్య ప్రేమ ఏర్పడితే మన ఇద్దరం వేరే స్త్రీ-పురుషుల మాదిరిగా ఉండడం అనేది జరగదు.

నువ్వు నాకే సొంతం కావాలి. నీ ప్రేమ నా కోసం ప్రాణాలు విడిచేందుకైనా సిద్ధమవ్వాలి. నా వల్ల ఎవరికి కష్టం రాకూడదు. నువ్వు ఈ ఉత్తరాలన్నీ చదివి ఆలోచించి నేను ఎంత కష్టాలు పడివుంటానో ఆలోచించు. ఒక వేళ నువ్వు నా సొంతం కానట్లయితే నేను జీవించీ వ్యర్ధమే. నన్ను బ్రతికించుకుంటావో మరణశిక్ష విధిస్తావో అంతా దైవలీల.

జాన్‌ కీట్స్.

Monday, November 15, 2010

మన సామెతలు

అంత్యనిష్ఠూరం కన్నా ఆది నిష్ఠూరం మేలు
అంబలి తాగే వారికి మీసాలు యెగబట్టేవారు కొందరా
అతి రహస్యం బట్టబయలు
అడిగేవాడికి చెప్పేవాడు లోకువ
అత్తలేని కోడలుత్తమురాలు కోడల్లేని అత్త గుణవంతురాలు
అనువు గాని చోట అధికులమనరాదు
అభ్యాసం కూసు విద్య
అమ్మబోతే అడివి కొనబోతే కొరివి
అయితే ఆదివారం కాకుంటే సోమవారం
ఆలూ లేదు చూలు లేదు కొడుకు పేరు సోమలింగం
ఇంట్లో ఈగల మోత బయట పల్లకీల మోత
ఇల్లు కట్టి చూడు పెళ్ళి చేసి చూడు
ఇంట గెలిచి రచ్చ గెలువు
ఇల్లు పీకి పందిరేసినట్టు
ఎనుబోతు మీద వాన కురిసినట్టు
చెవిటి వాని ముందు శంఖమూదినట్టు
కందకు లేని దురద కత్తిపీటకెందుకు
కత్తిపోటు తప్పినాక కలంపోటు తప్పదు
కుక్క కాటుకు చెప్పుదెబ్బ
కోటి విద్యలు కూటి కొరకే
నీరు పల్లమెరుగు నిజము దేవుడెరుగు
పిచ్చుకపై బ్రహ్మాస్త్రం
పిట్ట కొంచెము కూత ఘనము
రొట్టె విరిగి నేతిలో పడ్డట్టు

వాన రాకడ ప్రాణపోకడ
కళ్యాణమొచ్చినా కక్కొచ్చినా ఆగదు
మీసాలకు సంపంగి నూనె
ఆ మొద్దు లొదే ఈ పేడు
ఆ తాను ముక్కే !!!
ఆడబోయిన తీర్థము యెదురైనట్లు
ఆడలేక మద్దెల వోడు అన్నట్లు
ఆది లొనే హంస పాదు
ఏమీ లేని యెడారిలో ఆముదము చెట్టే మహా వృక్షము
ఆకలి రుచి యెరుగదు, నిద్ర సుఖమెరుగదు
ఆకాశానికి హద్దే లేదు
ఆలస్యం అమృతం విషం
ఆరే దీపానికి వెలుగు యెక్కువ
ఆరోగ్యమే మహాభాగ్యము
ఆత్రానికి బుద్ధి మట్టు
ఆవులింతకు అన్న ఉన్నాడు కాని, తుమ్ముకు తమ్ముడు లేడంట
ఆవు చేను మేస్తే, దూడ గట్టు మేస్తుందా?
అబద్ధము ఆడినా అతికినట్లు ఉండాలి
అడగందే అమ్మైనా అన్నమ్ పెట్టదు
అడ్డాల నాడు బిడ్డలు కాని, గడ్డాల నాడు కాదు
ఏ ఎండకు ఆ గొడుగు
అగడ్తలొ పడ్డ పిల్లికి అదే వైకున్ఠం
అగ్నికి వాయువు తొడైనట్లు
ఐశ్వర్యమొస్తే అర్ధరాత్రి గొడుగు పట్టమనేవాడు
అందని మ్రానిపండ్లకు అర్రులు చాచుట
అందితే జుట్టు అందక పోతే కాళ్ళు
అంగట్లో అన్నీ ఉన్నా, అల్లుడి నోట్లో శని ఉన్నట్లు
అన్నపు చొరవే గాని అక్షరపు చొరవ లేధు
అప్పు చేసి పప్పు కూడు
అయ్య వచే వరకు అమావాస్య ఆగుతుందా
అయ్యవారిని చెయ్యబొతే కోతి బొమ్మ అయినట్లు
బతికుంటే బలుసాకు తినవచ్చు
బెల్లం కొట్టిన రాయిలా
భక్తి లేని పూజ పత్రి చేటు
బూడిదలో పోసిన పన్నీరు
చాదస్తపు మొగుడు చెబితే వినడు, గిల్లితే యేడుస్తాడు
చాప కింద నీరులా
చచ్చినవాని కండ్లు చారెడు
చదివేస్తే ఉన్నమతి పోయినట్లు
విద్య లేని వాడు వింత పశువు
చేతకానమ్మకే చేష్టలు ఎక్కువ
చేతులు కాలినాక ఆకులు పట్టుకున్నట్లు
చక్కనమ్మ చిక్కినా అందమే
చెడపకురా చెడేవు
చీకటి కొన్నాళ్ళు, వెలుగు కొన్నాళ్ళు
చెరువుకి నీటి ఆశ, నీటికి చెరువు ఆశ
చింత చచ్చినా పులుపు చావ లేదు
చింతకాయలు అమ్మేదానికి సిరిమానం వస్తే, ఆ వంకర టింకరవి యేమి కాయలని అడిగిందట
చిలికి చిలికి గాలివాన అయినట్లు
డబ్బుకు లోకం దాసోహం
దేవుడు వరం ఇచ్చినా పూజారి వరం ఇవ్వడు
దరిద్రుడి పెళ్ళికి వడగళ్ళ వాన
దాసుని తప్పు దండంతో సరి
దెయ్యాలు వేదాలు పలికినట్లు
దిక్కు లేని వాడికి దేవుడే దిక్కు
దొంగకు దొంగ బుద్ధి, దొరకు దొర బుద్ధి
దొంగకు తేలు కుట్టినట్లు
దూరపు కొండలు నునుపు
దున్నపోతు మీద వర్షం కురిసినట్లు
దురాశ దుఃఖమునకు చెటు
ఈతకు మించిన లోతే లేదు
ఎవరికి వారే యమునా తీరే
ఎవరు తీసుకున్న గోతిలో వారే పడతారు
గాడిద సంగీతానికి ఒంటె ఆశ్చర్యపడితే, ఒంటె అందానికి గాడిద మూర్ఛ పోయిందంట
గాజుల బేరం భోజనానికి సరి
గంతకు తగ్గ బొంత
గతి లేనమ్మకు గంజే పానకము
గోరు చుట్టు మీద రోకలి పోటు
గొంతెమ్మ కోరికలు
గుడ్డి కన్నా మెల్ల మేలు
గుడ్డి యెద్దు జొన్న చేలో పడినట్లు
గుడ్డు వచ్చి పిల్లను వెక్కిరించినట్లు
గుడి మింగే వాడికి నంది పిండీమిరియం
గుడినీ గుడిలో లింగాన్నీ మింగినట్లు
గుడ్ల మీద కోడిపెట్ట వలే
గుమ్మడి కాయల దొంగ అంటే భుజాలు తడుముకొన్నాడట
గుర్రము గుడ్డిదైనా దానాలో తక్కువ లేదు
గురువుకు పంగనామాలు పెట్టినట్లు
తిన్న ఇంటి వాసాలు లెక్కపెట్టినట్లు
ఇంటి దొంగను ఈశ్వరుడైనా పట్టలేడు
ఇంటి పేరు కస్తూరివారు వీధిలో గబ్బిలాల కంపు
ఇంటికన్న గుడి పదిలం
ఇసుక తక్కెడ పేడ తక్కెడ
జోగి జోగి రాజుకుంటే బూడిద రాలిందంట
కాచిన చెట్టుకే రాళ్ళ దెబ్బలు
కాగల కార్యము గంధర్వులే తీర్చినట్లు
కాకి ముక్కుకు దొండ పండు
కాకి పిల్ల కాకికి ముద్దు
కాలం కలిసి రాక పోతే కర్రే పామై కాటు వేస్తుంది
కాలు జారితే తీసుకోగలము కాని నోరు జారితే తీసుకోగలమా
కాసుంటే మార్గముంటుంది
కడుపు చించుకుంటే కాళ్ళపైన పడ్డట్లు
కలకాలపు దొంగ ఒకనాడు దొరుకును
కలిమి లేములు కావడి కుండలు
కలిసి వచ్చే కాలం వస్తే, నడిచి వచ్చే కొడుకు పుదతాదు
కంచే చేను మేసినట్లు
కంచు మ్రోగునట్లు కనకంబు మ్రోగునా!
కందకు కత్తి పీట లోకువ
కందెన వేయని బండికి కావలసినంత సంగీతం
కరవమంటే కప్పకు కోపం విడవమంటే పాముకు కోపం
కీడెంచి మేలెంచమన్నారు
కొండ నాలికకి మందు వేస్తే ఉన్న నాలిక ఊడినట్లు
కొండల్లే వచ్చిన ఆపద కూడా మంచువలే కరిగినట్లు
కొండను తవ్వి యెలుకను పట్టినట్లు
కొన్న దగ్గిర కొసరు గాని కోరిన దగ్గర కొసరా
కూసే గాడిద వచ్చి మేసే గాడిదను చెరిచిందిట
కూటికి పేదైతే కులానికి పేదా
కొరివితో తల గోక్కున్నట్లు
కోతి పుండు బ్రహ్మాండం
కోతికి కొబ్బరి చిప్ప ఇచ్చినట్లు
కొత్తొక వింత పాతొక రోత
కోతి విద్యలు కూటి కొరకే
కొత్త అప్పుకు పొతే పాత అప్పు బయటపడ్డదట
కొత్త బిచ్చగాడు పొద్దు యెరగడు
కృషితో నాస్తి దుర్భిక్షం
క్షేత్ర మెరిగి విత్తనము పాత్ర మెరిగి దానము
కుడుము చేతికిస్తే పండగ అనేవాడు
కుక్క వస్తే రాయి దొరకదు రాయి దొరికితే కుక్క రాదు
లేని దాత కంటే ఉన్న లోభి నయం
లోగుట్టు పెరుమాళ్ళకెరుక
మెరిసేదంతా బంగారం కాదు
మంచమున్నంత వరకు కాళ్ళు చాచుకో
నోరు మంచిదయితే ఊరు మంచిదవుతుంది
మంది యెక్కువయితే మజ్జిగ పలచన అయినట్లు
మనిషి మర్మము మాను చేవ బయటకు తెలియవు
మనిషి పేద అయితే మాటకు పేదా
మనిషికి మాటే అలంకారం
మనిషికొక మాట పశువుకొక దెబ్బ
మనిషికొక తెగులు మహిలో వేమా అన్నారు
మంత్రాలకు చింతకాయలు రాల్తాయా
మీ బోడి సంపాదనకు ఇద్దరు పెళ్ళాలా
మెత్తగా ఉంటే మొత్త బుద్ధి అయ్యిందట
మొక్కై వంగనిది మానై వంగునా
మొరిగే కుక్క కరవదు
మొసేవానికి తెలుసు కావడి బరువు
ముల్లును ముల్లుతోనే తీయాలి వజ్రాన్ని వజ్రంతొనే కొయ్యాలి
ముండా కాదు ముత్తైదువా కాదు
ముందర కాళ్ళకి బంధాలు వేసినట్లు
ముందుకు పోతే గొయ్యి వెనుకకు పోతే నుయ్యి
ముంజేతి కంకణముకు అద్దము యెందుకు
నడమంత్రపు సిరి నరాల మీద పుండు
నేతి బీరకాయలో నెయ్యి యెంత ఉందో నీ మాటలో అంతే నిజం ఉంది
నక్కకి నాగలోకానికి ఉన్నంత తేడా
నవ్వు నాలుగు విధాలా చేటు
నీ చెవులకు రాగి పొగులే అంటే అవీ నీకు లేవే అన్నట్లు
నిదానమే ప్రధానము
నిజం నిప్పు లాంటిది
నిమ్మకు నీరెత్తినట్లు
నిండు కుండ తొణకదు
నిప్పు ముట్టనిది చేయి కాలదు
నూరు గొడ్లు తిన్న రాబందుకైనా ఒకటే గాలిపెట్టు
నూరు గుర్రాలకు అధికారి ఐనా భార్యకు యెండు పూరి
నెల్లాళ్ళు సావాసం చేస్తే వారు వీరు అవుతారు
ఒక ఒరలో రెండు కత్తులు ఇమడవు
ఊపిరి ఉంటే ఉప్పు అమ్ముకొని బ్రతకవచ్చు
బతికి ఉంటే బలుసాకు తినవచ్చు
ఊరంతా చుట్టాలు ఉత్తికట్ట తావు లేదు
ఊరు మొహం గోడలు చెపుతాయి
పాకి దానితొ సరసమ్ కంటే అత్తరు సాయిబు తో కలహం మేలు
పాము కాళ్ళు పామునకెరుక
పానకంలో పుడక
పాపమని పాత చీర ఇస్తే గోడ చాటుకు వెళ్ళి మూర వేసిందట
పచ్చ కామెర్లు వచ్చిన వాడికి లోకం అంతా పచ్చగా కనపడినట్లు
పండిత పుత్రః శుంఠ
పనిలేని మంగలి పిల్లి తల గొరిగినట్లు
పరిగెత్తి పాలు తాగే కంటే నిలబడి నీళ్ళు తాగడం మేలు
పట్టి పట్టి పంగనామం పెడితే గోడ చాటుకు వెళ్ళి చెరిపి వేసుకున్నాడట
పెదిమ దాటితే పృథివి దాటును
పెళ్ళంటే నూరేళ్ళ పంట
పెళ్ళికి వెళుతూ పిల్లిని చంకన పెట్టుకు వెళ్ళినట్టు
పేనుకు పెత్తనమిస్తే తల అంతా కొరికిందట
పెరుగు తోట కూరలో పెరుగు యెంత ఉందో నీ మాటలో అంతే నిజం ఉంది
పిచ్చి కోతికి తేలు కుట్టినట్లు
పిచ్చోడి చేతిలో రాయిలా
పిల్లి శాపాలకు ఉట్లు తెగుతాయా
పిల్లికి చెలగాటం యెలుకకు ప్రాణ సంకటం
పిండి కొద్దీ రొట్టె
పిట్ట కొంచెము కూత ఘనము
పోరు నష్టము పొందు లాభము
పోరాని చోట్లకు పోతే రారాని మాటలు రాకపోవు
పొర్లించి పొర్లించి కొట్టిన మీసాలకు మన్ను కాలేదన్నదట
పుణ్యం కొద్దీ పురుషుడు, దానం కొద్దీ బిడ్డలు
పువ్వు పుట్టగానే పరిమళించినట్లు
రాజు గారి దివాణంలో చాకలోడి పెత్తనము
రామాయణంలో పిడకల వేట
రమాయణం అంతా విని రాముడికి సీత యేమౌతుంది అని అడిగినట్టు
రామేశ్వరం వెళ్ళినా శనేశ్వరం వదలనట్లు
రెడ్డి వచ్చే మొదలు పెట్టు అన్నట్టు
రొట్టె విరిగి నేతిలో పడ్డట్లు
రౌతు కొద్దీ గుర్రము
ఋణ శేషం శత్రు శేషం ఉంచరాదు
చంకలో పిల్లవాడిని ఉంచుకుని ఊరంతా వెతికినట్టు
సంతొషమే సగం బలం
సిగ్గు విడిస్తే శ్రీరంగమే
సింగడు అద్దంకి పోనూ పొయ్యాడు రానూ వచ్చాడు
శివుని ఆజ్ఞ లేక చీమైనా కుట్టదు
శుభం పలకరా యెంకన్నా అంటే పెళ్ళి కూతురు ముండ ఎక్కడ అన్నాడంట!
శ్వాస ఉండేవరకు ఆశ ఉంటుంది
తాచెడ్డ కోతి వనమెల్ల చెరిచిందట
తాడి తన్ను వాని తల తన్నేవాడు ఉంటాడు
తాళిబొట్టు బలం వల్ల తలంబ్రాల వరకు బతికాడు
తాను పట్టిన కుందేలుకు మూడే కాళ్ళు
తాటాకు చప్పుళ్ళకు కుందేళ్ళు బెదురుతాయా
తాతకు దగ్గులు నేర్పినట్టు
తేలుకు పెత్తనమిస్తే తెల్లవార్లూ కుట్టిందట
తన కోపమే తన శత్రువు
తన్ను మాలిన ధర్మము మొదలు చెడ్డ బేరము
తంతే గారెల బుట్టలో పడ్డట్లు
తప్పులు వెదికే వాడు తండ్రి ఒప్పులు వెదికేవాడు వోర్వలేనివాడు
తీగ లాగితే డొంక అంతా కదిలినట్లు
తెగేదాక లాగవద్దు
తిక్కలోడు తిరణాళ్ళకు వెలితే ఎక్కా దిగా సరిపొయిందంట
తినే ముందు రుచి అడుగకు వినే ముందు కథ అడుగకు
తినగా తినగా గారెలు చేదు
తింటే గారెలు తినాలి వింటే భారతం వినాలి
తియ్యటి తేనె నిండిన నోటితోనే తేనెటీగ కుట్టేది
ఉల్లి చేసిన మేలు తల్లి కూడ చేయదు
ఉపకారానికి పోతే అపకారమెదురైనట్లు
ఉరుము ఉరుమి మంగళం మీద పడ్డట్టు
ఉత్తికెక్కలేనమ్మ స్వర్గానికెక్కినట్టు
వాపును చూసి బలము అనుకున్నాడట
వీపుమీద కొట్టవచ్చు కాని కడుపు మీద కొట్టరాదు
వెర్రి వెయ్యి విధాలు
వినాశకాలే విపరీత బుద్ధి
యే ఎండకు ఆ గొడుగు
యే గాలికి ఆ చాప
యెద్దు పుండు కాకికి ముద్దు
యేకులు పెడితే బుట్టలు చిరుగునా
యెక్కడైనా బావ కానీ వంగ తోట దగ్గర మాత్రం కాదు
యెప్పుడూ ఆడంబరంగా పలికే వాడు అల్పుడు

తెలుగు సామెతలు ఇంగ్లీష్ లో . . .

1) Jogi Jogi rubbing ash falling
2) Sitting, eating mountains melting
3) Marriage coming Vomiting Coming No Waiting
4) Aunty property son-in-law donating
5) Rameswaram going Saneswaram not leaving
6) Smiling lady crying gent don’t believe
7) Hands’ burning leaves catching
8) Ramayan hearing rama sita a relation asking
9) Education coming Mind going
10) Crow baby crow kiss
11) Gents salary ladies age don’t ask
12) 1000 lies tell do one marriage
13) For jaundice man all looks Yellow
14) Village marriage dogs hurry
15) No wife, No stomach son’s name somalingam
16) Having gone keeping also gone…

Tuesday, November 9, 2010

నవంబర్ 07 2010

వ్యక్తీకరించలేని సంతోషం . . . . .

Saturday, October 23, 2010

కోపం కోపం కోపం

కోపాన్ని జయించడం ఎలా?
రాగి తందిరా. . . సరైన వెర్షన్ ఇది. బ్లాగ్ మిత్రులు ఒకరు పంపినందుకు చాలా థాంక్స్

రాగి తందిరా భిక్షకే రాగి తందిరా
భోగ్య రాగి యోగ్య రాగి భాగ్యవంత రాగి నీవు

రాగి తందిరా భిక్షకే రాగి తందిరా

అన్న దానవ మాడువ రాగి
అన్న ఛత్రవ నిట్టవ రాగి
అన్యవార్తియ బిట్టవ రాగి
అనుదిన భజనియ మాడువ రాగి

రాగి తందిరా భిక్షకే రాగి తందిరా
భోగ్య రాగి యోగ్య రాగి భాగ్యవంత రాగి నీవు

గురుగళ సేవెయ మాడువ రాగి
గురుతిగె భాగోరంతవ రాగి
కరెకరె సంసార నిట్టవ రాగి
పురంధర విఠలన సేవిప రాగి

రాగి తందిరా భిక్షకే రాగి తందిరా
భోగ్య రాగి యోగ్య రాగి భాగ్యవంత రాగి నీవు

Thursday, October 21, 2010

రాగి తందిరా. . .

రాగి తందిరా. . .
రాగి తందిరా. . .
రాగి తందిరా. . .
బీక్షకే రాగి తందిరా . . .

భోగ్య రాగి యోగ్య రాగి భాగ్యవంత రాగి . . .. నీవు రాగి తందిరా. . .
భీక్షకే రాగి తందిరా. . .

అన్నదానవ మాడువ రాగి
అన్న చాత్రవ నీ తవ రాగి

అన్యవాంతి అభీటవ రాగి
అనుదిన భజనే అమాడువ రాగి. . . . రాగి తందిరా. . .

గురుగల సేవియ మాడువ రాగి
గురుతికి బాహా రంజివ రాగి

కరి కరి సంసార నీటావా రాగి . . .
పురందర విటల నసేవిప రాగి . . . రాగి తందిరా. . .
భోగ్య రాగి యోగ్య రాగి భాగ్యవంత రాగి . . .. నీవు రాగి తందిరా. . .


బొంబాయి జయశ్రీ గొంతులో కీర్తన వింటుంటే హాయిగా ఉంటుంది. . .
వంద శాతం గ్యారెంటీ

Wednesday, October 13, 2010

పెన్ను, పేపర్. . . కీ బోర్డు, కంప్యూటర్ స్క్రీన్ ఇవి చాలా?

నిజమే మరి. . .
ఏ విషయాన్నీ అయినా పేపర్ మీద పెట్టాలంటే. . . పెన్ను, పేపర్ ఉంటె సరిపోతుందా?
అలాగే కాస్త అడ్వాన్సు అయ్యి కంప్యూటర్ స్క్రీన్ ముందు కూర్చుని. . . కీ బోర్డు పైన వెళ్ళు ఆడిస్తే సరిపోతుందా?
లేదు. . . కాదు. . .
బుర్రలో ఎన్ని ఆలోచనలు ఉన్నా వాటికి అక్షర రూపం ఇవ్వాలంటే కచ్చితంగా బుర్ర ప్రశాంతం గా ఉండాలి. అప్పుడే మనసు కూడా ప్రశాంతం గా ఉంటుంది.
ఆలోచనలకు అక్షర రూపం ఇవ్వడం కుదురుతుంది.
అలా సహకరించని సమయంలో ఆలోచనలకు అక్షర రూపం ససేమీరా కుదరదు.
అందుకే ఆలోచనలకి ఇచ్చే అక్షర రూపానికి. . .
పీస్ అవసరం. . . అవసరం. . .

Monday, August 23, 2010

ఏమిటిది?

ఊళ్ళో కలి,
వీధిలో కలి,
ఇంట్లో కలి,
ఒంట్లో కలి.. . .

Friday, August 20, 2010

మనిషికో స్నేహం. . .

మనిషికో స్నేహం. . .
మనసుకో దాహం. . .
లేనిదే జీవం లేదు. . .
జీవితం కానే కాదు. . .
మమతనే మధువు లేనిదే చేదు. . .
మనిషికో స్నేహం. . . మనసుకో దాహం. . .

Tuesday, July 27, 2010

పైశాచికత్వం

ప్రపంచీకరణ నేపద్యంలో పైశాచికత్వం పెచ్చరిల్లి పోయింది.

Thursday, July 15, 2010

మన తెలుగుని కాపాడుకుందాం


సోదర సోదరీమణులారా...!

మన తెలుగును మనం కాపాడుకుందాం.

ప్రపంచంలోనే ఎక్కడా లేని

విధంగా మన తెలుగు భాష

అచ్చుతప్పులతో లిఖించబడుతూ

అల్లల్లాడిపోతోంది.

విషయం బోర్డునడిగినా...

గోడమీది రాతలనడిగినా

చెబుతాయి.

ముఖ్యంగా మన రాష్ట్ర రాజధాని

హైదరాబాదులో

కమర్షియల్

సైన్ బోర్డునైనా చూడండీ...

తప్పులు తండోపతండాలుగా

దొర్లుతుంటాయి.

ఇక టీవీల్లో స్క్ర్రోలింగు వగైరాల్లో కూడా

తప్పు దొర్లందే వార్తలు పూర్తికావడం లేదు.

మన తెలుగును కాపాడుకోవడంలో

భాషా సంఘం నిస్సిగ్గుగా నిద్దురపోతోందనడానికి

ఇంతకన్నా ఉదాహరణలు లేవు.

ఏదో ఒక ఉద్యమం చేపట్టి...

'సేవ్ తిరుమల' లాగా...

'మన తెలుగును కాపాడుకుందాం' అనే

నినాదంతో

ఏదైనా చానెల్ ముందుకు వెళితే...

తెలుగు భాషకు చానెల్ ఎంతో

మేలు చేసినట్టు అవుతుంది.

Sunday, July 4, 2010

వేదం - విలన్

ఈ మధ్య ఈ రెండు సినిమాలు చూసాను. చాలా రోజుల తరువాత సినిమా చూడటం వల్లనో, ఎందుకో కానీ రెండు సినిమాలు నాకైతే నచ్చాయి.
మరీ ముఖ్యంగా విలన్ సినిమా విషయానికి వస్తే. . . సినిమా కథాంశంలో రామాయణ పాత్రలే ఆధారం అనే విషయాన్ని అక్కడా, ఇక్కడా విన్నాం.
విక్రం నటన సూపర్ అని చెప్పొచ్చు.
ఇక మణిరత్నం దృశ్యాలను తెరకి ఎక్కించడం గురించి ప్రత్యేకంగా చెప్పక్కర్లేదు.
చాలా మంది ఆ సినిమా నీకు ఎలా నచ్చింది అని అడిగితె నన్ను నేను ఒక ప్రశ్న వేసుకున్నాను.
అందరికీ నచ్చనిది నాకే ఎందుకు నచ్చింది అని. దానికి నా మనసు నాకు చెప్పిన సమాధానం. సినిమాలో పాత్రలని, దృశ్యాలను వేటికవి విడిగా చూడటం వల్లనేఅని
అన్నిటి కంటే ముందు ఈ రెండు సినిమాలు నచ్చడానికి.
ఈ మధ్య సినిమాల్లో చూపిస్తున్నట్టు గా మోతాదుకు మించి లేని శృంగారం, హింస వంటివే కారాణాలు కావొచ్చు.
ఏమో నాకైతే రెండు సినిమాలు బాగానే అనిపించాయి.
వేదం లో హీరినే అనుష్క డ్రెస్సింగ్ విషయానికి వస్తే. . . ఇవ్వాళ రేపు సినిమాల్లో, స్మాల్ స్క్రీన్ మీద హీరోయిన్స్, యాంకర్స్ వేసుకునే డ్రెస్ లతో పోలిస్తే వంద శాతం నయం గా అనిపించింది.

Friday, June 25, 2010

నిశ్శబ్దం

నిశ్శబ్దం.
పలకడానికి గంభీరంగా ఉంటుంది. కానీ, ఇది చాలా మందికి ఎంతో ప్రశాంతతను ఇస్తుంది.
ఎన్నో ఆలోచనలను ఇస్తుంది.
నూతన ఆవిష్కారాలకు మూలం అవుతుంది.
అంతేకాదు కొన్నిసార్లు మనసుకి విపరీతమైన వంటరితనాన్ని కూడా ఇస్తుంది నిశ్శబ్దం.
కొన్ని భయంకర ఆలోచనలకు పునాది కూడా వేస్తుంది.
నిశ్శబ్దం.
ఇది నిశ్శబ్దం.

Thursday, June 24, 2010

శూన్యం

శూన్యం అంటే ఏమిటి?
ఎప్పుడు వస్తుంది?
ఎంత బాగుంటుంది?
నిజంగా అందులో ఆనందం ఉంటుందా?
ఎటువంటి అనుభూతిని అందిస్తుంది శూన్యం?
ఏమిటి ఈ శూన్యం?
ఎక్కడ ఉంది?
ఎంత బాగుంటుంది?

Monday, June 14, 2010

మనది కానప్పుడు

కొన్ని సార్లు మన ప్రమేయం లేకుండానే కొన్ని పనులు జరిగిపోతుంటాయి.
వాటి వల్ల మనకు ఇబ్బంది లేకపోతె పర్వాలేదు. కానీ, మన తప్పు లిఎకుండానే మనల్ని ఎవరైనా ఒక మాట అంటే మనసుకి ఎంత బాధ కలుగుతుంది?
ఎవరో చేసిన పొరపాటుకి వేరొకరిని భాద్యులని చేస్తూ తిట్టే వాళ్ళని చూస్తే జాలేస్తుంది.
వాళ్ళ అజ్ఞానికి, పొరపాటు చేసిన వాళ్ళని ఏమీ అనలేని వాళ్ళ చేతకాని తనానికి జాలేస్తుంది.
ఇలాంటి వాళ్ళను ముఖ్యంగా మేనేజ్ మెంట్ పొజిషన్ లో ఉన్నందుకు జాలి పడటం తప్ప ఏమీ చేయగలం?
పాపం బుర్ర తక్కువ మనుషులు అనుకోవడం తప్ప.

Sunday, June 13, 2010

అందానికి నిర్వచనం

అందానికి నిర్వచనం ఒక్కొక్కరు ఒక్కోలా చెప్తుంటారు.
నా దృష్టిలో అందం అంటే. . ఒక వస్తువును, ఒక మనిషిని, ప్రకృతిని . . . ఇలా దేన్నైనా చూడగానే అప్పటికప్పుడు మనసుకి అందంగా, ఆహ్లాదంగా అనిపించడమే అందం. అంతేకాని ఫలానాదే అందం. అందం అంతే ఇదీ అంటూ చెప్పడం శుద్దదండగ అనిపిస్తుంది నాకు.

Tuesday, June 1, 2010

చానల్స్ బాన్ చేస్తే బాగుండు

సారీ సారీ చానల్స్ కాదు చానల్స్ లో ప్రసారమయ్యే కొన్ని ప్రసారాలను నియంత్రిస్తే బాగుండు అనిపిస్తుంది. చానల్స్ ను బాన్ చేస్తే వాటినే నమ్ముకుని బతికే ఎంతో మందికి ఇబ్బంది అవుతుంది.
ఒక ఇష్యూ ని ఇష్యూ గా కాకుండా ఎందుకు పర్సనల్ గా వెళ్తారో ఆ దేవుడికే తెలియాలి (unte)
అసలు మీడియా వాళ్ళు ఎలా ప్రవర్తించాలి అనే దానికి ఇలాంటి విషయాలు చూసినప్పుడు ఒక లక్షమణ రేఖ పెడితేనే బాగుంటుంది అనిపిస్తుంది.
లేకపోతె వీళ్ళని ఆపతరం కావడంలేదు.
విషయం ఒకటి జరిగింది అన్నప్పుడు. విషయపరంగానే వెళ్తే . . . అందులో అతిశయోక్తులు లేకుండా చూపించ గలిగితే వాళ్ళ డ్యూటీ ని వాళ్ళు చేస్తే సరిపోతుంది. న్యూస్ ని న్యూస్ లాగా చెప్పగలిగితే బాగుంటుంది.
మీడియా పిచ్చి గా తయారవుతోంది. . . ఈ మధ్య.

Monday, May 31, 2010

ఇంటర్మీడియట్ రిజల్ట్ లో

ఇంటర్మీడియట్ రిజల్ట్ లో వెలుగు చూస్తున్న దారుణమైన నిజాలను చూస్తుంటే. కడుపు తరుక్కు పోతుంది.

మేము టెన్త్ చదివే రోజుల్లో. మా స్కూల్ లో ఒక అబ్బాయి, ఒక అమ్మాయి బాగా చదివేవారు. చిన్న స్లిప్ టెస్ట్ పెట్టిన కూడా. వాల్లిద్దరిదే పోటి అన్నట్టు గా ఉండేది. అంత బాగా చదివే ఆ ఇద్దరు టెన్త్ ఫైనల్ ఎగ్జామ్స్ లో ఫెయిల్ అయ్యారు.
ఇద్దరు తలకో సబ్జెక్టు పోగొట్టుకున్నారు. ఆ రిజల్ట్ చూసి ఆశ్చర్య పోవడం మా వంతయింది ఎందుకంటే ఇద్దరూ మంచి క్లవర్ స్టూడెంట్స్. ఇక నా విషయానికి వస్తే మరీ అంత అత్తెసరుగా కాదు కానీ పర్వాలేదు బాగానే చదివేదాన్ని. అలాంటిది నాకు కూడా చాలా తక్కువ మార్క్స్ వచ్చాయి. అప్పుడు రివాల్యుయే షన్ పెట్టిదామనుకున్నాము కానీ అప్పట్లో ఎందుకో కుదరలేదు.
ఇవ్వాళ న్యూస్ వింటే అప్పట్లో కూడా ప్రైవేటు స్కూల్స్ రిజల్ట్ బాగా రావడం కోసం . ఇలాంటి గోల్ మాల్ ఏదో జరిగినట్టు అనిపిస్తుంది.
లేకపోతె సున్నా మార్కులు వచ్చిన పేపర్ కి డెబ్భైఐదు మార్కులు రావడమేంటి?
అంటా డబ్బు మాయం. డబ్బులు బాగుంటే మంచి కార్పొరేట్ కళాశాలలో చేరొచ్చు. మస్తు మస్తు గా మార్కులు తెచ్చుకోవచ్చు.
ఇలాంటి పద్ధతుల వల్లే డబ్బు ఉన్నవాళ్లకే మంచి ఉద్యోగాలు కూడా వస్తున్నాయి.
అసలు పరీక్షలు వద్దు, పిచ్చి చదువులూ వద్దు అనిపిస్తోంది. చిరాకు పుడుతోంది.

Friday, May 28, 2010

సురేఖ కి నిద్ర మాత్రలు ఎక్కడివి?

సురేఖ గారు మీ డ్రామా గ్రాండ్ సక్సెస్ అయ్యింది . మీకు అంత గొడవలో నిద్ర మాత్రలు ఎక్కడి నుండి వచ్చాయి?
అంటే ముందు గానే ప్లాన్ చేసి పెట్టుకున్నారా?
మీకు ముందే ఇంత గొడవ జరుగుతుందని తెలుసన్నమాట. అందుకే డ్రామా ని రక్తి కట్టించడానికి బాగా ప్రిపరే అయ్యి వచ్చారు.
వెరీ గుడ్.
ఒక ప్రజా నేత అయ్యి ఉండి అన్ని బూతులు ఓపెన్ గా ఎందుకు తల్లీ తిట్టావు.
ఛీ. . .

జగన్ ని ముందే అరెస్ట్ చేస్తే . . .

జగన్ ని ముందే అరెస్ట్ చేస్తే ఇంత గొడవ జరిగేది కాదు కదా.
ఒక ప్రాణం గాల్లో కలిసేది కాదు.
కొండా సురేఖ బూతు పురాణం వినాల్సి వచ్చేది కాదు.
మరీ ముఖ్యం గా అన్ని డబ్బులు ఖర్చు అయ్యేవి కాదు కదా
మైండ్ లెస్స్ ఫెల్లోస్ నాయకులైతే ఇలానే ఉంటుంది పరిస్థితి.
రోశయ్య మరీ ఇంత లేట్ అయితే ఎలాగయ్యా.
వయసు శరీరానికే కాని మనసుకి ఉండ కూడదు. బాబోయ్.
మీకు చేతకాకపోతే దిగిపోండి. మాకు ఎందుకు ఈ దరిద్రం? మిమ్మల్ని ఎలాగూ మేము ఎన్నుకోలేదు కదా.
హై కమాండ్ ఎంనుకుందని మీరే అన్నారు. అందుకే దిగిపోండి బాబూ.
బాబ్బాబు . . . తొందరగా దిగిపోరు ప్లీజ్

Thursday, May 27, 2010

ఒక పక్క సామాన్యులు బతకలేని స్థితి

రోజు రోజుకి బతకడం కష్టమైపోతుంటే . . .
ఈ రాజకీయనాయకుల గొడవేమిటో అర్ధం కావట్లేదు.
అన్ని పార్టీల నాయకులు అని చెప్పుకునే దొంగ సచ్చినోళ్ళ మీద. . .
తలా ఒక బాంబు వేస్తె సగం దరిద్రం వదులుతుంది.
ప్రజల గోడు పట్టదు కానీ రాజకీయాలు కావాలి. మొత్తంగా స్వార్ధం అనే చీము మాత్రమే వాళ్ళ వంటి నిండా, నిలువెల్లా ప్రవహిస్తోంది.
కడుపుకి ఏమి తింటున్నారో అర్ధం కావట్లేదు.
రాజకీయనాయకులం అని చెప్పుకునే గాడిదలు (సారీ వాటితో కూడా పోల్చకూడదు. అక్కడ ఏమి పదం వాడాలో తెలియక అలా వాడాను. గాడిదలు మీ పేరు వాడినందుకు నన్ను క్షమించండి . ) చేసే ఒక్కో పని ప్రజల మీద ఎంత భారం పడుతుందో ఆలోచిస్తున్నారా?
ఎంత కోపంగా ఉందంటే. అన్ని భాషల్లో ఉన్న తిట్లు నేర్చుకుని ఒక్కోకదిని నిల్చో పెట్టి తిట్టాలని ఉంది.
వీళ్ళకి సామాన్యుల గురించి పట్టదు.
వాళ్ళు తిరగడానికి లక్షలు లక్షలు ఖర్చు పెడుతున్నారు.
పందికొక్కుల్లా బలుస్తున్నారు. వాళ్ళు , వాళ్ళ కుటుంబాలు బాగుంటే చాలు.
పిచ్చి వెధవలు.
వీళ్ళందరి బుర్రలు బాగుపడాలని దేవుడిని కోరుకుంటే. . . ఆ దేవుడే మాయమైపోతాడు వీళ్ళకి భయపడి.
అందుకే రాజకీయ నాయకుడు ఎక్కడుంటే అక్కదట భూమి బద్దలైపోయి వాళ్ళని తనలో కలుపుకుంటే బాగుండు.
అమ్మా భూమాత వాళ్ళని ఎన్నాళ్ళు భరిస్తావు తల్లీ.
కలిపేసుకో నీలో.
అప్పుడే సామాన్యులమైన మేము ప్రశాంతంగా బతకగలం తల్లీ.

Tuesday, May 25, 2010

వేదన

ప్రసవ వేదనని మించిన వేదన మనో వేదన.
ప్రసవ వేదన కొన్ని గంటలే. . .
కానీ మనో వేదన? తీరడానికి మెడిసిన్ లేదు. ఏమి చేసినా అది మనల్ని వదలదు.
ఉంటూనే ఉంటుంది. నేనున్నాను మీకు తోడుగా అంటూ ఎప్పుడూ దానికి మీ మీద చిరాకు పుట్టే వరకు వేదన మీ వెంటే. .
మీకు తోడుగా. ఎంత మంచిదో ఈ వేదన నడిసంద్రంలో వదలదు.
ఎంత మంచిదో ఈ మనో వేదన.
బుర్ర కూడా పనిచేయకుండా ఒకటే ఆలోచనలను విరామం లేకుండా ఉంచుతుంది.
ఎంత మంచిదో ఈ వేదన.
వేదన మిమ్మల్ని వదిలిందా జీవితం అవుతుంది ఓ నివేదన.

Monday, May 24, 2010

మరణం నిశీధి ప్రయాణం

మరణం ఒక నిర్వేదం
మరణం ఒక శాసనం
మరణం ఒక అవసరం
మరణం ఒక ఆవశ్యకం
మరణం ఒక ఓదార్పు
మరణం ఒక చేయూత
మరణం ఒక ధైర్యం
మరణం ఒక సంతోషం
మరణం అదో అద్భుత ప్రపంచం
మరణం అభూతం
మరణం ఒక స్వాంతన
మరణం ఒక విజయం
మరణం ఒక ఆస్వాదం
మరణం అపూర్వమైన విశ్రాంతం
మరణం ఒక విశాల నేత్రం
మరణం ఆత్మకి దొరికే ఆహ్లాదం
అందుకే
మరణం బహుదూరం
అందుకే
మరణం ఒక భయం
అది. అంటే మరణం నిశీధి ప్రయాణం

Sunday, May 16, 2010

సమైక్యం - వేర్పాటు

ఒకళ్ళు సమైక్యం అని.. . మరొకరు వేర్పాటు వాదమని అంటున్నారు.
ఈ సంగతిని పక్కన పెడితే.
రెండు పెద్ద పార్టీలైన కాంగ్రెస్, టిడిపి పార్టీలో సమైక్యతా ఉందా. . .? అనేదే ప్రశ్న.
ప్రాంతాల గురించి పోట్లాట మొదలవ్వకముందే. . . రాజకీయ పార్టీల్లో గ్రూప్స్ తగాదాలు ఉండేవి.
ఇలాంటి వాళ్ళు సమైక్య వాదం గురించి మైకులు పెట్టుకుని, డయాస్ లు ఎక్కి గుక్క తిప్పుకోకుండా మాట్లాడుతుంటే. . . ఆశ్చర్యం వేస్తోంది.
ముందు పార్టీ వాళ్ళందరూ ఒక తాటి మీద నిలబడి. . . ఆ తరువాత సమైక్య వాదం గురించి మాట్లాడితే. . కాస్తయినా వాళ్ళు మాట్లాడే మాటలకు అర్ధం ఉంటుంది.
లేకపోతే చెప్పేవి శ్రీ రంగ నీతులు. . .. సామెత వీళ్ళకు కరెక్ట్ గా సరిపోతుంది అనిపిస్తుంది.
చెత్త చిరాకు పుడుతోంది. . . ప్రజలతో సంబంధం లేకుండా బ్లా బ్లా అంటున్న వీళ్ళని చూస్తుంటే.
మైక్ దొరికితే చాలు నోటికేంతోస్తే అది వాగుతున్నారు.

Sunday, May 9, 2010

అమ్మ కి రిటైర్మెంట్ ఉంటుందా ?

శారీరకంగా ఓపిక లేకపోయినప్పటికీ. . . అమ్మ ఎప్పుడూ తన పిల్లల గురించే ఆలోచిస్తుంది.
ఆమె చివరి శ్వాస వరకు పిల్లల గురించే ఆలోచన. . . ఇలా ఎప్పుడూ ఆలోచించే అమ్మకి రిటైర్మెంట్ ఉంటుందంటే. . .
ఆశ్చర్యంగా ఉంది. .
ఇలా అనుకునే వాళ్ళను ఏమనాలి?
ఏమైనా అమ్మ ప్రేమకి, ఆమె ఆదరణకు, ఆప్యాయతకు. . . ఎవరైనా బిరుదులు ఇవ్వగలరా?

Thursday, May 6, 2010

నా వెన్నెల

వెన్నెల. . .
చల్లని హాయినే కాదు. . .
వెచ్చటి బాధను కూడా ఇస్తుంది.

మనసు హాయిగా ఉన్నప్పుడు వెన్నెల ఎంతో అందంగా, అపురూపంగా, ప్రేమగా, హాయిగా. . .
అంతెందుకు ప్రపంచం మొత్తం అందంగా ఉన్నట్టే కనిపిస్తుంది.
కానీ, జీవితంలో కష్టాలు ఎదురైనప్పుడు అదే వెన్నెల కాంతులు వేడిగా, భరించలేనివిగా. . . ఉంటాయి.

ఏదేమైనా వెన్నెలను ఆస్వాదించడం వ్యక్తి పరిస్థితిన బట్టి. . .
జీవితం సాగే ప్రయాణం దిశను బట్టి ఉంటుంది.

జీవితంలో ఏ కాస్తా ఒడిదుడుకులు ఎదురైనా . . . వెన్నెల విరజిమ్మే అందాలను ఎవ్వరూ ఆస్వాదించలేరనేది నా వాదన.

బాల్యంలో అమ్మా చందమామ ఎప్పుడొస్తాడు అన్న నా ప్రశ్నకు అమ్మ చెప్పిన సమాధానం ఇప్పటికీ గుర్తే. . . రోజూ రాత్రి కాగానే వస్తాడమ్మా అంటూ. . . కానీ రాత్రి కాగానే మళ్లీ అడిగే దాన్ని. . . అమ్మా చందమామ ఇంకా రాలేదేం అని అడిగేదాన్ని.
అమ్మకి నేనడిగిన చందమామ విషయం అర్ధంకాక ఇదేనాన్నా చందమామ అని చెప్పి నాకు ఏదో రకంగా సర్దిచెప్పేది.
ఇది బాల్యంలో జరిగిన విషయం. . .
కాస్త ఊహ తెలిసాక నేను అడిగిన ప్రశ్న నాకే వింతగా అనిపించింది. ఎందుకంటే ఊహతెలియనప్పుడు నేను అడిగిన చందమామ నా దృష్టిలో వెన్నెల.
అప్పటినుంచే నాకు వెన్నెల అంటే అంత ఇష్టం. ఎందుకంటే వెన్నెల్లో గుజ్జనగూళ్లను కట్టుకునేదాన్ని పెరట్లో ఉన్న ఇసుకతో. . .
ఆరు బయట మంచం వేసుకున్నప్పుడు పళ్లెంలో కనిపించిన అన్నం ఇంకా తెల్లగా కనిపించేది. తెల్లగా. . . స్వచ్ఛంగా ఉన్న ఆ అన్నంలో అమ్మ చేతివేళ్లు కూరను కలుపుతుంటే. . . నాకు కమ్మనైన సంగీతం వింటున్నట్టు ఉండేది.
అప్పట్లో కలిగిన నా ఫీలింగ్‌కి ఇప్పటి నా అక్షర రూపం. . .
అమ్మ ఒళ్లో కూర్చుని అన్నయ్యతో కబుర్లు చెప్తూ. . . నాన్న చెప్పే కబుర్లు వింటూ ఆనందంగా ఉన్న ఆ వెన్నెల రోజులు నిజంగానే ఎంతో పొందికగా దాచుకోవాల్సిన వెన్నెల రాత్రులు.
వాటిని ఇప్పుడు అక్షరాల్లో పెట్టాలనే నా ప్రయత్నం నా తెలివి తక్కువతనమే అవుతుంది.
కానీ ఆ భావన పొందుపరుచుకోవాలంటే మనసుకి మధురమైన ఆ గుర్తులను మరొక్కసారి జ్ఞప్తికి తేవాలంటే ఇంతకంటే మరో మార్గం కనిపించడంలేదు మరి.
అందుకే వేసవిలో మండే ఎండలున్నా. . . పూర్ణంగా ఆకాశంలో కనిపించే చందమామను చూడగానే. . . ఆ వెన్నెల రాత్రులు గుర్తుకొచ్చాయి.
ఆహా. . . తలుచుకోవడానికే ఆ రోజులు.
ఇప్పుడు నేను వెన్నెల్ని వెతుక్కోవాలంటే ఆకాశాన్ని మించి దాటిపోతున్న భవనాలను అధిరోహించాలి.
కనీసం అప్పుడైనా వెన్నెల్ని చూడగలననే నమ్మకం అయితే నాకు లేదు. కారణం కాలుష్యపు మేఘాలు కమ్ముకుంటాయి కదా. . .
ఏం లాభం?
అందుకే ఎప్పటిరోజుల్ని అప్పుడే ఎంజాయ్‌ చేయాలి. ప్రత్యేకించి ఇటువంటి మధురమైన అనుభూతులు . . . తిరిగి వస్తాయనుకోవడం వెర్రితనమే అవుతుంది. ఎందుకంటే దోసిళ్లో పట్టుకున్న నీళ్లలాంటిదే వీటి పరిస్థితి.
బహుశా ఇప్పుడు వెన్నెల్ని కూడా ఆర్టిఫిషియల్‌గా పట్టిస్తారేమో. కానీ చల్లని వెన్నెల వర్షం తాలూకు అనుభూతిని రప్పివ్వగలరా?
అది కృత్రిమంగా వస్తుందా?
అందమైన వెన్నెల మళ్లీ ఎప్పుడు కనిపిస్తావు? అని అడగడం తప్ప. . .
కనీసం పల్లెలోకి వెళ్లాలన్నా . . . అక్కడ వెన్నెల కనిపించినా . . . మనసు ఆహ్లాదించలేదు. . .
ఎందుకంటే పట్నం పిలుస్తుంటుంది. పొట్టకూటికోసం చేసే ఉద్యోగ బాధ్యతలు పిలుస్తాయి. ఇంకా ధైర్యం చేసి వెన్నెల రాత్రిని ఆస్వాదిద్దామంటే. . . నెలజీతంలో పడే కోత గుర్తుకొస్తుంది.
మరి వెన్నెలని ఆస్వాదించలేమంటూ మనల్ని మనం తిట్టుకుంటే సరిపోతుందా? లేకపోతే పట్టణాలకు పరుగెట్టి మానసికంగా అలసిపోయి. . . జీవితాన్ని మన చేతులనుంచి జార్చుకున్న మన దైన్యాన్ని తిట్టుకోవాలా?
వెన్నెలా. . . వెన్నెలా . . . నిన్ను ఆస్వాదించలేకపోతున్నందుకు నా మనసుకు నేనే శిక్షవేసుకుంటాను. దయచేసి వెన్నెల చల్లటి కాంతులను. . . వెచ్చటి ఆవిర్లుగా మార్చకు.

కసబ్ కి శిక్ష పడింది

కసబ్ కి శిక్ష పడింది. . .
మరణ శిక్ష ఇటువంటి ఉగ్రవాదానికి పరిష్కారమా?
ఇలా ఎంత మందిని చంపుకుంటూ పొతే ఉగ్రవాదం అంతమవుతుంది?
ఉగ్రవాదాన్ని అంతరించే అస్త్రం ఉంటె బాగుండు . . .
ఒక్క మనదేసంలోనే కాదు ప్రపంచ వ్యాప్తంగా ఇదే పరిస్థితి
ఉగ్రవాదాన్ని పెంచి పోషించిన దేశమే ఆ ఉగ్రవాదం బారిన పది ఇబ్బంది పడుతోంది. . .
అసలు పక్కవాడిని ఏదో చేయాలనే ఆలోచనే ఈ సమస్యకు ప్రధాన కారణంగా ఉంటోంది.
కసబ్ విషయానికి వస్తే . . . శిక్ష వేయడం వరకు ఓకే. . . కానీ ఆ శిక్షను ఎప్పుడు అమలు పరుస్తారు . . .
ఈలోపు సదరు మానవ హక్కుల సంఘాలు గోల చేయకపోతే నయమే.

మానవహక్కుల వాళ్ళు ఈ మధ్య అవసరమైన వాటికి కాకుండా. కీలకమైన, గట్టిగ ఉండాల్సిన విషయాల్లో కూడా అలా చేసారు ఇలా చేయొద్దు అంటూ. . . తెగ గోల చేస్తున్నారు. ఇది ఎంతవరకు సమంజసం?

నార్కో అనాలిసిస్ వంటి పరీక్షలను కూడా కోర్ట్ వద్దనడం నేరాలు ఎక్కువగా చేయడానికి ఉపయోగపడేది లాగానే ఉంది.
పాపం వైష్ణవి కేసు కి కూడా ఈ పరీక్షలను రద్దు చేయడం. . . పెద్ద అవరోధంలాగా మారింది.
ఏదేమైనా. . . చట్టం, సమాజం, భయం, మరీ ముఖ్యమగా మనుషులంటే గౌరవం లాంటివి లేకుండా పోతున్నాయి.
ఎవరి ఎదుగుదలను ఎవరూ భరించలేకపోతున్నారు.
ఉన్నోడికే డబ్బులు. . . లేనోడు లేనట్టే ఉంటున్నాడు.
దాంతో ఉగ్రవాదం, తీవ్రవాదం పెరిగిపోక ఏమి చేస్తాయి. . . ?
పరిస్థితి ఇలానే ఉంటుంది.
ముందు భవిష్యత్ ని ఊహించుకుంటేనే భయంకరమగా ఉంది.
నవసమాజం అంటే ఇదేనా. . .

Monday, May 3, 2010

కసబ్ శిక్ష - తెలుగు టివి సీరియల్. . .

జీడి పాకం లాగా సాగే తెలుగు టివి సీరియల్ లాగా. . . . కసబ్ శిక్ష విషయం కూడా ఉంది.
భలే చిరాకు పుట్టిస్తోంది. . .
ముప్పై ఏడు కోట్లు ఖర్చు పెట్టాల్సిన అవసరం ఉందా. . .
అంత ఘోరం. . . అందరి కళ్ళ ముందుసాక్ష్యంగా ఉంటే. . . విచారణ పేరుతో ఇన్నాళ్ళు మేపడమే కాకుండా. . . ఇప్పుడు శిక్షను చెప్పడం విషయంలో కూడా ఉదయం నుంచి పాకం లాగానే అనిపించింది. . . ఇది బహుశా ఆ దుర్మార్గుడు చేసిన మారణ కాండకు కావొచ్చు.
ప్రజల మధ్య నిల్చో పెడితే శుభ్రంగా వాడి భరతం పట్టే వాళ్ళు.
దోషిగా నిర్ధారించారు. . . మరణ శిక్ష వేసినా కూడా ఒక్కసారిగా కాకుండా. . . రోజుకో విధంగా హింసించాలి.

Saturday, April 24, 2010

చిన్నప్పుడు ఎప్పుడో వచ్చిన ఐడియా ఇది . .

చిన్నప్పుడు ఒక ఆదివారం రోజు వచ్చింది ఈ ఆలోచన. . .
ఆ ఆలోచన మొన్న చాలా స్ట్రాంగ్ గా అనిపించింది.
ఆ గొప్ప ఆలోచన ఏమిటంటే . . .
మనం వెళ్ళే రోడ్ అంతటా టాప్ వేస్తె ఎలా ఉంటుంది అని. . .
అలా ఒక రూఫ్ లాగా వేసుకుంటే ఎండా నుంచి, వాన నుంచి, తప్పించుకోవచ్చు. అప్పుడు ఎండా కాలంలో స్కార్ఫ్ లు, వానా కాలంలో రెయిన్ కోట్ లు అవసరం లేకుండా ఉంటుంది కదా.
ఇలాంటిదే మరో ఆలోచన ఏమిటంటే ఇంట్లో ఎసి కి బదులుగా మనం వేసుకునే డ్రెస్ లే ఎండాకాలంలో చల్లగా. . . చలికాలంలో వెచ్చగా ఉండేవి మార్కెట్ లోకి వస్తే ఎంత బాగుంటుందో కదా. . .
ఈ రెండు ఆలోచనలే కాదు ఇలాంటివే బోలెడు వస్తుంటాయి.
మీ బుర్రల్లో కూడా ఇటువంటి ఆలోచనలు ఏమైనా ఉంటె. . . పంచుకోండి. . .
సరదాగా ఉంటుంది కదా.

Tuesday, April 20, 2010

ఎన్ని ఆటలో. . . చిన్ని గుండెలో

చిన్నప్పుడు ఆడుకున్న ఆటలన్నీ గుర్తుకొచ్చాయి మొన్న ఒక సందర్భంలో . . .
ఆఫీసు లో అందరం కలిసి కూర్చుని మాట్లాడుకుంటుంటే. . . ఒక సారి మధురమైన బాల్య జ్ఞాపకాలలోకి వెళ్లి వచ్చేసాము.
ముఖ్యంగా చిన్నప్పటి ఆటలు. . .
కోతి కొమ్మచ్చి, ఇసుకలో పుల్ల దాచి పెట్టి దాన్ని రెండు చేతులతో మూసి (పేరు గుర్తులేదు) ఎదురుగా ఉన్న వాళ్ళని ఆ పుల్ల ఎక్కడ దాచామో చెప్పమని అడగడం. . , చెమ్మ చెక్కలాట, అచ్చెన గిల్లలు, వామన గుంటలు, బతకమ్మ ఆట, వంగుడు దూకుళ్ళు, చింత పిక్కల ఆట, ఎండా వాన, దొంగ పోలీసు, మా తాత ఉత్తరం ఎక్కడో పోయింది అంటూ. . ., గద్దొచ్చే కోడి పిల్ల. . . అంటూ ఇంకో ఆట, నాలుగు స్తంభాలాట, టేక్కలే (దొంగ అయిన వాళ్ళు అంటుకోకుండా కింద కూర్చుండి పోవాలి ), కుంటుడు, బొమ్మలాట, పచ్చీస్, అష్ట చెమ్మ, . . . ఇలా ఇంకా ప్రస్తుతానికి గుర్తుకి రాని ఎన్నో ఆటలు ఆదేవాల్లము, అవి గుర్తుకి వచ్చినప్పుడు మనసుకి ఎంతో హాయినిచ్చినా. . . ఇప్పటి పిల్లలకి ఇవన్నీ లేవు కదా అని ఒకింత బాధగా కూడా అనిపించింది. . .
ఎందుకంటే అవి ఆడేటప్పుడు ఉండే మజానే వేరు కదా. . .

Sunday, April 18, 2010

గుబ్బకాయలు

గుబ్బ కాయలు . . . వీటినే సీమ చింతకాయలు అని కూడా అంటారు.
చిన్నప్పటి జ్ఞాపకంగా మిగిలిపోకుండా ఉండేదుకు. . . రోడ్ మీద తోపుడు బండ్లలో పెట్టి అమ్ముతున్నారు బాగానే ఉంది. సంతోషంగా అనిపించింది కూడా. . .
గుబ్బకాయలతో పాటుగా చింత చిగురు కూడా కుప్పపోసి పెట్టారు. . .
అది చూసి ఆహా ఇవ్వాళ రోడ్ చూసేందుకు ఎంత బాగుందో అనుకున్నాను మనసులో. . .
అంతటితో ఆగిపోతే అది మనసని ఎందుకు అనిపించుకుంటుంది. . .
గుబ్బ కాయలు తినాలనిపించింది . . . వెంటనే ఒక పక్కన ఆగి ఆ తోపుడు బడని దగ్గరకు వెళ్లి. . . గుబ్బకాయలను చూపిస్తూ ఎంత బాబూ అన్నాను. అతను చెప్పిన రేట్ విన్నాక. . . హా అని నోరు తెరుచుకుని ఉండిపోయాను కాసేపు.
ఆ తరువాత తేరుకుని . . .
బలంగా వాటిని తినాలన్నా కోరికని నొక్కి పెట్టాలనుకున్నాను. . . ఎందుకంటే అతను పావు కిలో ౪౫ (నలభై ఐదు ) రూపాయలు అనగానే. . . సెకండ్ లో ఒకటో వంతు గుండె ఆగిపోయింది కాబట్టి. . .
ఆ సెకండ్ లోనే చిన్నప్పుడు ఆడుకుంటూ గుబ్బకాయల్ని ఏరుకుని తిన్నానని. అలా తిని. . . మిగతావి గాల్లోకి విసురుతూ. . . పక్క వాళ్ళ పై విసురుతూ తిరిగిన రోజులు గుర్తుకొచ్చాయి. . . అచ్చం సునామీలాగా చుట్టుముట్టాయి ఆ జ్ఞాపకాలు.
కానీ ఏమి చేస్తాం పొట్ట చేత్తో పట్టుకుని పట్టణానికి వచ్చాం కదా నలభై ఐదు ఏమి ఖర్మ. . . ఎనభై ఐదు అన్నా కొనుక్కోవాలి తినాలి తప్పదు. అది కూడా వాటి రుచి తెలుసు కాబట్టి ఆ కోరిక. . .
అదే సిటీలలోనే పుట్టిన పిల్లలకి ఐతే ఆ బాదే లేదు. . .
ఎందుకంటే వాటిని కొనాల్సిన అవసరమే లేదు. . .
కాస్తో కూస్తో పల్లె టచ్ ఉంటే తప్ప వాటి పేరు కూడా తెలియదు కాబట్టి.
కొనాల్సిన అవసరం రాదు. . . ఆ రేట్ చూసి గుండె దడా రాదు.
చివరకి కొన్నాను. బేరమాడి ఇరవై ఐదు రూపాయలకి కొన్నాను. ఆ పక్కనే ఇంకో కుప్ప చింత చిగురు కనిపించింది కాని. . . దాని రేటు అడిగితె చటాకు తొంభై అంటాడేమో అని.
మనసుని, నోటిని రెండిటిని కట్టుకుని వచ్చాను.
ఇదీ ఇవ్వాల్టి గుబ్బకాయ అదేనండీ సీమ చింతకాయ తెచ్చిన చింత.

Thursday, April 1, 2010

వచ్చేసింది

హలో
తెలుగులో టైపింగ్ వచ్చేస్తోంది. కృతజ్ఞతలు.
ఇప్పుడు తెలుగులో రాయండి అని తిట్టే వాళ్ళ నెంబర్ తగ్గుతుందోచ్.

Tuesday, March 30, 2010

oka godava pote inkokati

Political naayakulu lekapote sagam daridram vadilipotundi.
Ee godavalu, kotlatalu, chaavadaalu, champukovadaalu emee lekunda untayi.

Sunday, March 14, 2010

annavaram

ninna news choostunte famous dance show AATA fame omkar car accident vishayam vachhindi.
adi choosinappudu aa vaartanu prastutam unna paristutalo news channels elanti charcha pedataayo maatladukunnamu nenu maa colleagues.
adi saradaga anipinchindi anduke ikkada raastunnanu. chaduvarulu enjoy chestaru kadaa ani. . ..
JUST FOR FUN
charchaa vedikalo by default anchor to paatugaa oka numeralogist, oka hetuvaadi, aata participants pillalu untaaru.
charcha ila modalavutundi. . ..
Annavaram veltundaga omkar car oka scooterist ni dhee kottindi. scooterist ki gaayalu ayyayi. ayite mana common anna gaaru aagakundaa potunte gramastulu addupadatam vallanaitenemi, car engine aagipovadam valla aitenemi car aagipoyindi. pattubaddadu.
ila jaragadam venaka annavaram lo unna aksharallo oka letter takkuva kaavadame. . . adi odd number vastondi. ade oka letter ni extra ga add cheste annavaram ki ibbandi undadu ani numeralogist cheppadu.
alaage omkar ni andaru annaiah ani pilustaru kaabatti, andulo kooda annaiah undi kaabatti ila jarigindanedi vaadana.
Anteduku ee samayamlone inko vishayam gurtu chesukovali. power star pavan kalyan natinchina ANNAVARAM movie kooda letters lo teedaa undadam vallane hit kaaleka poyindani antunnaru.
. . .. Ila evari vaadanalu vaallu vinipistooo aa charchani oka rendugantala paatu saaaga teesaaru sadaru news channels vaallu.
oka half day ki feed emi nimpaalaa ani alochinchakundaa. . . omkar accident vishayam dorikinanduku. . . dhanyavaadalu telupukuntoo aa charchani muginchaaru news chanels vaallu.
Ee vishayaaniki mass masala enta kaavaalante anta meeru kooda add chesukovachhu.
Elaagu mana telugu news chanels chestunna charchalu ilaane untayi kadaa.
oka paddathi paadu undadu.
chivariki emi telustaaro, emi telavaalo koodaa vaallake teliyadu kabatti.

Thursday, March 11, 2010

feeling o bhavana

padakondu gantalaki road meeda ki vaste. . . errati enda ento andamgaa kanipinchindi.
journey taalooku alasata teliyakunda undaalani efem radio pettukunnaanu.
himagiri sogasulu antoo paata modalaindi. . .
aahaaa inta vedilo koodaa. . . challati paata anukuni station maarchakunda radio lo vastunna challati paatalu vintoo aluperagakundaa office ki cherukunnaanu.
enni private efem lu vachhina janaranjani vinte bhalega anipistundi naaku.
maree mukhyamga pilli kootalu, arupulu lekundaa baaguntundi vinenduku.
deennee antaaremo feeling ani

Monday, February 15, 2010

జాబ్ మానేస్తే ఏమి చెయ్యాలి?

ఎందుకో కాని ఈ మధ్య జాబ్ లో ఏ మాత్రం ఆసక్తి కనిపించడం లేదు. . . .
అలాగని మానేసి ఇంట్లో ఖాళీగా కూర్చునే ప్రాణం కాదు.
జాబ్ మానేసి ఏమి చెయ్యాలి?
నాకంటూ కాస్త టైం కావాలనిపిస్తోంది. . .
కాకపొతే జాబ్ మానేస్తే . . . తిండికి, బతకడానికి డబ్బు ఎలాగా?
అబ్బో ఎన్ని ఆలోచనలో. . .
బుర్రకి ఎన్ని ఆలోచనలో వస్తున్నాయి. . .
కాని ఏవి ఆచరణ సాధ్యంగా అనిపించడం లేదు.
ఏమిటో. . . ?

రోశయ్యా . . . అంతా హై కమాండేనా?!

ఏమిటో మన ముఖ్యమంత్రి గారు . . .
ప్రతీ దానికీ హై కమాండ్ అంటారు.
తిన్నా, పడుకున్నా, లేచినా, ఆఖరికి బాత్రూం కి వెళ్ళాలన్నా హై కమాండ్ అంటారు.
కానీ ఒక్క విషయంలో మాత్రం సదరు ముఖ్యమంత్రి గారు హై కమాండ్ అనరు.
అసలు వాళ్ళనేంటి అడిగేది . . .
అంతా నా ఇష్టం అంటారు.
ఆ ఒక్క విషయం ఏమిటంటే . . . నడుస్తూ. . . నడుస్తూ . . . గభాల్న కిందపడటం .
ఈ ఒక్క విషయంలో మాత్రం ఆయన మోనార్క్ ఎవ్వరి మాట. . . ఆఖరికి హై కమాండ్ మాట కూడా వినరు. అంతే. . .
రోశయ్యా. . . మజాకానా.

http://www.youtube.com/watch?v=wu613XGQbtY

వీడు నా మేనల్లుడు. . .
భలే యాక్టివ్
లవ్ హిం వెరీ మచ్ . . .

కళ్ళు మూసుకుని . . .

పి పరిష్తితి ఏమిటి?
పాలకులు ఏమి చేస్తున్నారయ్యా? అంటే కళ్ళు మూసుకుని పాలు తాగుతున్నారయ్యా అంటాను .
ఛీ. . . ఛీ . . . పాలు తాగడమేంటి అని పిల్లులు కోపగించుకున్నాయి.
ఆయ్. . . ముష్టిలాగా ఎ పి పాలిటిక్స్ తో . . . మమ్మల్ని పోలుస్తున్నారు.
మేము మీ ప్రపంచాన్ని బహిష్కరిస్తున్నాం. . . అంటూ కోపగించుకుమి పెద్దగా మ్యావ్ అంటూ కేకలు వేయడం మొదలు పెట్టాయి.
వామ్మో ఇంకా ఏమైనా ఉందా పిల్లులు మన రాజ్యాన్ని బహిష్కరిస్తే . . . ఎలుకలు పెరిగిపోయి సరుకుల్ని నాశనం చేస్తాయి .
మా బిజినెస్ దెబ్బతింటుంది. అంటూ వ్యాపారులు పరుగెత్తుకుని రాజకీయనాయకుల దగ్గరికి వెళ్ళారు. . .
ఆ తరువాత ఏమి జరిగిందేమిటంటే. . .
రేపటి రాజకీయ పరిస్తితి బట్టి మిగతా స్టొరీ రేపే రాస్తాను.
బుర్ర ప్రస్తుతానికి ఇంతవరకే స్టోరీని బిల్డ్ చేయగలిగింది. . .
వో కే నా .
పిల్లుల గొడవ తీర్చమని రాజకీయనాయకుల దగ్గరికి పరుగెత్తిన వ్యాపారులకు షాకింగ్ న్యూస్ ఏమిటంటే. . .
రాజకీయనాయకుల ఇళ్ళముందు ఉన్న గేట్స్ దగ్గర కుక్కలు భౌ భౌ అంటూ వ్యాపారుల మీదకు లగేత్తాయి . . .
వ్యాపారులు చెప్పులు చేతిలో, ప్రాణాలు అర చేతిలో పెట్టుకుని పరుగెత్తడం మొదలు పెట్టారు.
వాళ్ళలో కాస్త ధైర్యం ఉన్న ఒక వ్యాపారి ఒక కుక్క దగ్గర ఆగి . . . నాకో చిన్న డౌట్ ఉంది . . .
ఇంతకీ మీరు మమ్మల్ని చూసి ఎందుకు అరిచి వెంటపడుతున్నారు అని అడిగాడు. అలా అతను అడగ్గానే కుక్క మళ్ళీ ఒకసారి భౌ అంటూ అరిచి, మీరు ఏనాడైనా . . . మాకు పప్పు ముద్దా అయినా పెట్టారా. కనీసం నాన్ వెజిటేరి యన్స్ అయినా ఒక చికెన్ ముక్క అయినా పెట్టారా అంటే అదీ లేదు.
రాజకీయనాయకులే నయం వాళ్ళు తింటూ మాకో ముక్క పెడతారు అందుకే వాళ్ళంటే మాకు ఇష్టం. మీరంటే చీదర. . . ఫో పొండి అంటూ, భౌ మంటూ మళ్ళీ అరవడం మొదలు పెట్టింది.
ఇంకా ఒక్క క్షణం అక్కడ ఉన్నా ఆ కుక్క మీద పడి కరిచెట్టు ఉందని ఆ వ్యాపారి పారిపోతాడు.
(ఇంకా ఉంది )

Thursday, February 11, 2010

మీడియా మీడియా ?

ఓ పక్క ప్రత్యెక వాదం
మరో పక్క సమైక్య వాదం
వాదం ఏమైతేనేం. . . . ఏదైతేనేం . . .
రాష్ట్రమంతా అట్టుడికిపోతోంది. . .
బంద్ లు, సమ్మెలు, రాస్తా రోకోలు

పోలీసు లాటీల హడావిడి, బూట్ల చప్పుళ్ళు ఒక వైపు
ఉద్యమకారుల ఆందోళనలు మరోవైపు
ఎవరు. . . ఎవరిని ఏమంటున్నారు?
ఎవరు దేని గురించి మాట్లాడుతున్నారు?
అంటా అయోమయం . . . గందరగోళం
ఇలాంటప్పుడే మీడియా పెద్దన్న పాత్ర పోషించి, వాస్తవంగా ఏం జరుగుతోంది అనే విషయాన్ని ప్రజలజు అర్ధమయ్యేలాగా చెప్పాలి.
ఇన్ని గొడవలు జరుగుతుంటే మీడియా తనవంతు పాత్రను ఎంత మేరకు నిర్వర్తిస్తోందనేదే ఇక్కడ చర్చనీయాంశం.
మరీ ముఖ్యం గా ఎలక్ట్రానిక్ మీడియా గురించి మాట్లాడుకోవాలి. ఎందుకంటే క్షణం క్షణం సమాచారాన్ని అందించడమే ఇందుకు కారణం.
ఒక రకంగా సమాచారాన్ని అందించడంలో మీడియా తనవంతు కృషి చేస్తోందనే చెప్పొచ్చు. అయితే ఇందులో ఆలోచించాల్సిన విషయం ఒకటుంది. ఇంత గొడవ జరుగుతుంటే రాష్ట్రం రావణ కాష్టం అవుతుంటే మీడియా ఏం చేస్తోంది?
మరీ ముఖ్యం గా ఎలక్ట్రానిక్ మీడియా ఏం చేస్తుంది?
వంటి మీద కిరోసిన్ మంట రగులుతుంటే . . . కేమేరాలన్నీ ఆ వ్యక్తి మీద కాన్సన్ ట్రేషన్ చేస్తున్నాయా?
తెల్లవారి అన్ని పేపర్లలో రకరకాల యాంగిల్ల్స్ లో ఆ వ్యక్తి ఫోటో పబ్లిష్ చేస్తున్నారా?
బస్సు ల పైకి రాళ్ళు విసురుతుంటే కెమెరాలు పగలకుండా (అఫ్కోర్సు కొన్ని కెమెరాలు పగులుతున్నయనుకోండి) వాటినీ షూట్ చేస్తున్నారా?
ఫోర్త్ ఎస్టేట్ అయిన మీడియా ఇలా వ్యవహరించడం ఎంతవరకు సమంజసం?

మీడియా తలుచుకుంటే ఏమైనా చేయగలదు. దేన్నైనా అత్యంత వివాదాస్పదమైన వార్తగా మలచగలదు. ఒకరకంగా చెప్పాలంటే సమస్యను సృష్టించగలదు. ఆ సమస్యకు పరిష్కార దిశని చూపించగలదు.
పరిష్కారం చూపడం అంటే మీడియా సర్వాదికారాలను తన చేతిలోకి తీసుకోవాలని కాదు. సామాన్య ప్రజానికాన్నీ దృష్టిలో పెట్టుకోమనే నా ఉద్దేశం. పెన్ను చూడగానే, మైక్ చూడగానే రెచ్చిపోయి మాట్లాడే సదరు పెద్దలను ఎందుకు నిలదీయడంలేదనేదే ఇక్కడి ప్రశ్న?

రాష్ట్ర విభజన అంటూ జరుగుతున్నా గొడవల్లో అన్ని రాజకీయ పార్టీలను ఒక దగ్గర కూర్చోపెట్టే ప్రయత్నం మీడియా ఎందుకు చేయడం లేదు? కూర్చోపెట్టినంత మాత్రాన సమస్యకు పరిష్కారం దొరుకుతుందా! అంటే. జవాబు దొరకని ప్రశ్నే. శాశ్వత పరిష్కారం కాకపోయినా సమస్య తీవ్రతను తగ్గించే ఫలితమైతే తప్పక వస్తుంది. చర్చల వల్ల పోయేదేమీ లేదు. అయితే ఇక్కడ వార్తా సాధనాలు ఒక విషయాన్ని గుర్తుపెట్టుకోవాలి. చర్చల పేరుతొ వాళ్ళు కొట్టుకుంటుంటే ప్రేక్షక పాత్ర వహించకుండా మధ్యవర్తిగా ఉండగలగాలి.
ఒకటి రెండు చానెల్స్ ఈ పనిని చేస్తున్నాయి . ఇంకా చేస్తే బాగుంటుంది.
లైవ్ న్యూస్

టీవీ చానెల్స్ కు లైవ్ ప్రసారాల ద్వారా రేటింగ్ లు పెరుగుతాయి. ఇది చానెల్స్ కు ఒరిగే లాభం అయితే , లైవ్ లను ప్రసారం చేయడం వల్ల తక్షణ సమాచారాన్ని ప్రేక్షకులకు అందిస్తున్నారు. ఇది ప్రజలకు ఒక రకం గా ఉపయోగం. అయితే లైవ్ ప్రసారాలు చాలాసార్లు ప్రజల్లో ఉద్వేగాలను రెచ్చగొట్టే విధంగా ఉంటున్నాయి. ఎందుకంటే. . . ఏదైనా మనసును తాకే విషయాన్ని చూసినప్పుడు ఉద్వేగాలు రేగడం సహజం. ఇలాంటప్పుడే వార్తలను ప్రసారం చేయడంలో జాగ్రత్తగా ఉంటే బాగుంటుంది అనిపిస్తుంది. ప్రసారం చేయడం గురించేనా అని మీరనవచ్చు. ఇక్కడ టీవీ చానెల్స్ ను మాత్రమె ప్రస్తావించడం వెనక బలమైన కారణమే ఉంది. ఎందుకంటే ఎప్పటికప్పుడు వార్తల్ని నట్టింట్లోకి మోసుకోచ్చేవి అవే కాబట్టి.
లైవ్ ప్రసారాల తీరు చాలాసార్లు విమర్శనాత్మకం గానే ఉంటోంది. ప్రాణాలు పోతుంటే ముఖం మీద కేమెర, మంటల్లో మండుతూ, నీళ్ళలో కొట్టుకుపోతుంటే ఎక్స్ క్లూసివ్ స్టోరీ లు.
అయితే ఇలాంటి వాటి వల్ల నష్టమేనా? లాభం లేదా అంటే. . . లాభం కూడా ఉంది.
ఇందుకు ఉదాహరణ ప్రత్యెక రాష్ట్రం గురించి ఉస్మానియా విశ్వవిద్యాలయం లో ఉద్యమం జరుగుతున్నప్పుడు జరిగిన ఓ ఘటన. ఉద్యమం చేస్తున్న విద్యార్దులకు సంఘీభావం తెలిపేందుకు వెళ్ళిన నాగం జనార్ధన రెడ్డి పై జరిగిన దాడి. ఆ దాడి చేసిన వాళ్ళు విద్యార్దులు కారు, దుండగులు అనే విషయాన్ని గుర్తించి వారిని పట్టుకోగాలిగేలా చేసింది న్యూస్ చానెల్స్ రికార్డు చేసిన విజువల్సే. ఇది సంతోషించదగ్గ పరిణామమే. అయితే, ఇలాంటి మంచి శాతాన్ని, జరిగే చెడుతో పోలిస్తే చాలా తక్కువే అని చెప్పొచ్చు.

(పేరు gutuledu) కరీంనగర్ లో రోడ్ మీద ఒక మహిళను జుట్టు పట్టి ఈడ్చి ఘోరాతిఘోరంగా కొట్టి చంపినప్పుడు లైవ్ చూపించడం వల్ల ఒరిగింది ఏమిటి? అంతెందుకు ఒక టీవీ చానెల్ జనవరి ౭, 2010 న ప్రసారం చేసిన వై ఎస్ రాజ శేఖర రెడ్డి విమాన ప్రమాదంకి సంభందించిన మిస్టరీ గురించి మూడు నెలల తరువాత ఆ చానెల్ ఎందుకు ప్రసారం చేయాల్సి వచ్చింది? వాస్తవానికి ది ఎగ్జిలేడ్ అనే ఎల్లో జర్నలిజం పత్రిక ఆ విషయాన్ని ప్రమాదం జరిగిన రెండో రోజే ప్రచురితం చేసింది. ఆ విషయాన్ని ఇప్పుడు ప్రసారం చేయడం వల్ల రాష్ట వ్యాప్తంగా ఎంత విద్వంసం జరిగిందో విదితమే.
ఇప్పటివరకు వేర్పాటు, సమైఖ్య వాదాలె రాష్ట్రాన్ని అతలాకుతలం చేసాయనుకుంటే. . . వాటికి తోడు ఈ సమస్య కూడా గందరగోళ పరిస్థితులను రేపింది.

కర్నూల్ లో వరదలు వచ్చినప్పుడు రాత్రి పదకొండు గంటలకు ఒక ప్రముఖ తెలుగు న్యూస్ చానెల్ సి ఇఎ వొ వార్తలు చదువుతూ రేపటి నుంచి మనం కర్నూల్ ని చూడలేం అంటూ ఒక స్తేటేమేంట్ ఇచ్చేసారు. ఆ సమయంలో అక్కడి పరిస్థితి మరీ అంత అద్వాన్నం గా ఏమీ లేదు. తెల్లారాక కర్నూల్ బాగానే ఉండే? బాధ్యతాయుతంగా ఉండాల్సిన వ్యక్తి అలాంటి స్టేట్ మెంట్ లు ఇవ్వోచ్చా? అటువంటి స్టేట్ మెంట్ వల్ల ప్రజల్లో భయాందోళనలు ఎంతగా ఉత్పన్నమవుతాయి?

ఏది ఏమైనా వార్తల్ని ప్రచురించే ముందు, ప్రసారం చేసే ముందు వార్తల వెనక ఉన్న నిజానిజాలను, వాటి వల్ల సమాజం పై పడే ప్రభావం గురించి ఒక్కసారి ఆలోచించాలి రేటింగ్ ల కోసమో, మరింకేవో ప్రయోజనాల కోసమూ వార్తల్ని వండితే సమాజం ఏమి పోవాలి?

- ప్రాంతాల వారీగా గొడవలు జరుగుతున్నప్పుడు మీడియా రాజకీయ పార్టీలను, మేధావులను ఒక దగ్గర కూర్చో పెట్టి మాట్లాడించి సమస్య పరిష్కార దిశగా ప్రయత్నం చేయాలి. చానెల్స్ లో వచ్చే చర్యలు సమస్యకు ఆజ్యం పోస్తున్నట్టు ఉన్నాయే తప్ప సమస్యకు పరిష్కారం అందించేలా ఉండడం లేదు.

- అలాగే మన జర్నలిస్ట్ సోదరులు ఎక్కడి నుంచైనా రిపోర్ట్ చేసేటప్పుడు పదాలు వాడేటప్పుడు కాస్త జాగ్రత్తగా ఉంటే మంచిదనిపిస్తుంది. పరిస్థితి ఎలా ఉన్నా కూడా ఉద్రిక్తంగా ఉందనో, లేకపోతె పరిస్థితి తీవ్రంగా ఉందనో, ఆందోళనకరం గా ఉందనో చెప్తే ఎలా? అఫ్కోర్సు అప్పుడున్న హడావిడిలో అదంతా గమనించుకునే టైం ఉండదు. అయినప్పటికీ కాస్త ఆలోచించి మాట్లాడితే మంచిదేమో.

- ఇప్పటికే ప్రైవేటు ఎఫ్ ఎం రేడియోల్లో రిపోర్టర్ లను ఇమితతే చేస్తూ . . . కుక్క తోక వంకరెందుకు? పిల్లి ఏమంటోంది? అంటూ ఎన్నో సెటైరిక్ ప్రోగ్రాం లు చేస్తున్నాయి.

ఫోర్త్ ఎస్టేట్ గా పిలవబడే మీడియా ఇంతకుముందు కంటే ఇంకా ఎంతో బాధ్యతాయుతంగా ప్రవర్తించాల్సిన సమయం ఆసన్నమైంది.
సామాజిక, నైతిక విలువలకు కట్టుబడాల్సిన అవసరం ఎంతైనా ఉంది.

గుబ్బకాయ

గుబ్బకాయ
ఇవి చాలా ఖరీదు గురూ. . .

వామన గుంటలు

వామన గుంటలు
ఇందులో గవ్వలు పెట్టారు కానీ మేమయితే చింతగింజలతో ఆడేవాళ్లం